Neg ame ki fè pati gwoup kriminèl touye 13 elèv nan yon lekòl ki anseye Koran nan eta Katsina, nan nòdwès Nijerya, dapre sa otorite local yo di AFP.
Katsina se yon bouk nan rejyon nòdwès ak sant peyi a, kote popilasyon an viv nan laterè akoz atak gwoup kriminèl ki ap piye vilaj yo, touye ak kidnape rezidan yo.
Kriminèl sa yo ap viv nan kèk kan nan gwo forè ki kouvri eta Zamfara, Nijè, Katsina ak Kaduna ki gen repitasyon pou kidnapin ki fèt sou anpil elèv lekòl depi plizyè ane.
Plizyè nèg ame sou motosiklèt te louvri katouch nan vilaj Kusa (distri Musawa), vè 9:30 pm GMT dimanch, kote yo te vize timoun lekòl ki t ap patisipe nan festival Mawlid ki selebre nesans pwofèt Mohammed, dapre sa Habibu Abdulkadir, yon politisyen distri a, di AFP.
Li di, "Bandi yo te kòmanse tire nan moman priyè yo, kote yo touye 13 elèv epi blese 20 lòt."