Gouvènman Venezyelyen an ak opozisyon an antann yo sou nouvo kondisyon pou eleksyon dewoule nan peyi a. Politisyen yo ap fè rankont jodi Madi a nan La Barbad kote yo gen pou siyen yon antant ki pral debouche sou asistans Ameriken kote yo pral leve sanksyon petwolye yo te enpoze kont gouvènman Nicolas Maduro a.
Dapre yon moun ki familye ak kad antant la, gouvènman Venezyelyen an dakò pou louvri pwosesis elektoral la epi pèmèt obsèvatè Inyon Ewopeyen an vinn sipèvize pwosesis la. Li kreye tou yon pwosesis pou leve entèdiksyon ki bloke manm kle opozisyon an poze kandidati yo pou prezidans la.
Sous ki pale ak Associated Press la di si Maduro pa respekte antant la, Etazini pral re-enpoze sanksyon yo.