Alye Lide Lachanm Depite, Repibliken Kevin McCarthy ap travay san rete pou kore apui pou dènye plan Repibliken ki ta evite fèmti gouvènman an.
Ekip McCarthy a sipliye kolèg Repibliken yo Samdi pou yo sispann taktik liy di yo epi travay ansanm pito pou apwouve yon plan depans konsèvatè.
Nan jefo piblik ak prive, yo sipliye yon ti gwoup depite zèl dwat ki derefize bay konsantman yo pou yo sispann enteripsyon ki lakoz Lachanm oblije kanpe travay li.
McCarthy gen entansyon mande depite yo pou yo vote osito ke Madi sou divès pwojè lwa ki vize finanse operasyon gouvènman federal Ameriken an anvan dat limit la rive sou yo. Dat limit la se 30 Septanm, kidonk Samdi kap vini an, si yo paka antann yo, pap gen lajan pou gouvènman federal la fonksyone.