Sekretè Deta Ameriken Antony Blinken anonse yon nouvo pake èd pou Ikrèn pou plis pase 1 milya dola pandan vizit li nan Kyiv 6 septanm nan, èd ki gen ladan plis pase 665 milyon dola nan kad nouvo asistans sekirite militè ak sivil, ak plizyè lòt milyon dola sipò pou defans anti-aeryen Ikrèn ak lòt domèn.
Ikrèn fè gwo pwogrè nan kont-ofensif li kont envazyon Larisi a, se sa Blinken te di pandan vizit li a ki pa te jwenn tout atansyon ke li te bezwen akoz yon atak ke Ris yo te fè ki touye omwen 17 moun.
Se premye gwo zotobre ameriken ki vizite Kyiv depi kontofensif la te tanmen nan kòmansman mwa Jen.
Ikrèn reprann plis pase yon douzèn vilaj ak ti kominote nan ofansif li.