Politik

Prezidan peyi Endonezi Joko Widodo Mande Gwo Lidè Mondyal Yo Pou Lache Tansyon ke Yo Gen nan Mitan Yo

  • Serge Michel

នាយករដ្ឋមន្ត្រីអូស្ត្រាលី លោក Anthony Albanese ចាប់ដៃគ្នាជាមួយនឹងក្រុមមេដឹកនាំប្រទេសជាសមាជិកអាស៊ាន ក្នុងកិច្ចប្រជុំកំពូលអាស៊ាន-អូស្ត្រាលី នៅរដ្ឋធានីហ្សាការតា ប្រទេសឥណ្ឌូណេស៊ី កាលពីថ្ងៃទី ៧ ខែកញ្ញា ឆ្នាំ ២០២៣។ (Willy Kurniawan/Pool Photo via AP)

Pandan rivalite politik vin pi agresif ant Etazini, LaChin ak LaRisi, Prezidan peyi Endonezi Joko Widodo fè yon deklarasyon ak tout fòs pou mande lidè yo lache tansyon-yo epi evite konfli nan rejyon an.

Li t ap pale konsa nan ouvèti Somè Ès Azi a, ki reyini peyi Asosyasyon Nasyon Sidès Azi ki gen ti non ASEAN ak patnè li yo – Etazini, LaChin, LaRisi, Ostrali, End, Japon, New Zeland, ak Kore di Sid. Widodo souliyen nesesite pou gen estabilite nan rejyon an pou kontinye lapè ak pwosperite ke rejyon an ap jwi depi dè dizèn lane.

"Tout moun nan sal la gen menm responsablite a pou nou pa kreye nouvo konfli, pa kreye nouvo tansyon, pa kreye nouvo gè," Se konsa Widodo te pale nan lang peyi li. Li ajoute, "An menm tan, nou gen responsablite pou bese tansyon ki chofe, kreye plas pou dyalog, epi mete pon pou rezoud mezantant."

Apre diskou sa a, responsab sekirite nan Endonezi, te chache mèkredi a, bloke repòtè Mezon Blanch ki t ap kouvri somè ant Etazini ak ASEAN nan nan kapital Endonezi a, Jakarta, e mande l pou li wete kò li, men li te rete kan menm pou fè travay li.

Responsab sekirite yo te ansèkle Patsy Widakuswara, yon dam Endonezyen Ameriken, ki se chef biwo Mezon Blanch pou LaVwadlamerik, e ki nan gwoup repòtè ki t ap kouvri evènman an pou jounal ekri ak radio.