ST. PETERSBURG, Larisi (AP) — Kremlin an di Prezidan Ris Vladimir Putin pa fè plan asiste antèman Yevgeny Prigozhin, ki mouri semèn pase a nan yon aksidan avyon 2 mwa apre li te lanse mouvman rebelyon kont Moskou.
Pòtpawòl Kremlin an, Dmitry Peskov, pa di ki kote ni ki lè chef Wagner a ap antere, malgre gen nouvèl ki parèt nan laprès kòmkwa fineray li ka fèt Madi nan Saint Petersburg.
Fontanka News ak lòt medya di gen anpil chans pou Prigozhin, ki gen 62-ane, antere nan simityè Serafimovskoye, ki te konn resevwa kadav gwo chef militè ke tout peyi a rekonèt.
Madi, gwo kòdon lapolis te antoure simityè a, kote paran Putin yo antere tou, men pa te gen okenn sèvis finèb nan moman an epi lapolis te kite espas la.