Prezidan Chinwa Xi Jinping pral nan Afrik di sid semèn ki ap vini an pou yon vizit deta kote li pral patisipe nan somè BRICS la, dapre sa Minis Afè Etranjè Chinwa a anonse Vandredi 18 out 2023 a.
Afrik se yon nouvo teren diplomatik kote Loksidan, Lachin ak Larisi ap diskite pou yo enpoze enfliyans yo nan yon kontèks kote gen divizyon sou kesyon konfli Ikrèn nan.
"Sou envitasyon Prezidan Repiblik Afrik di sid Cyril Ramaphosa, Prezidan Xi Jinping pral patisipe nan 15yèm somè BRICS la ki gen pou fèt nan Johannesburg (...) e vizit li nan Afrik di Sid ap kòmanse 21 pou rive 24 out," se konsa Hua Chunying, pòtpawòl ministè a, anonse visit la nan yon kominike ki afiche sou entènèt.
Lidè Chinwa a te deja vizite Afrik di Sid an 2018 nan yon efò pou ranfòse relasyon diplomatik ak ekonomik peyi li ak kontinan an.
Se pral dezyèm vizit Xi nan peyi etranje ane sa a apre vwayaj li nan Larisi nan mwa Mas la.