Washington pa te janm yon vil ki tèlman gen senpati pou Donald Trump. E apre li te fin plede non koupab pou akizasyon federal kòmkwa li te chache ranvèse eleksyon prezidansyèl 2020 an, Trump te moutre byen vit ke li gen menm santiman an pou vil la.
Trump di dimanch li pa vle jij federal ke yo te chwazi pa aza pou dirije pwosè kote yo ap jije l poutèt li ta konplote pou ranvèse defèt li nan eleksyon 2020 an. Li di pwosè a pa ta dwe dewoule nan Washington ki te vote ak yon kokenn majorite kont li, e ke manm jiri yo ta dwe se moun ki te vote nan eleksyon an. Li di, "Pa gen okenn chans pou m jwenn yon jijman onèt ak jij sa a."