Paris Saint-Germain otorize klèb Arabi Saoudit Al-Hilal pou li pale ak entènasyonal franse Kylian Mbappé pou pwopoze l yon transfè ak kondisyon pou peye ekip franse a 300 milyon ero pou dedomaje l, se sa yon sous ki konn dosye negosyasyon an di AFP.
Sepandan, yon transfè konsa ta ka fèt sèlman ak akò jwè franse a, e Mbappé pa janm eksprime ke li enterese nan chanpyona Arabi Saoudit la, e poutan li te konn moutre li enterese nan ekip Real Madrid.
Dapre menm sous la, plizyè klèb Ewopeyen te koumanse chofe depi Vandredi swa apre anons ke jwè a pa prale fè yon estaj ann Azi apre li ta kite PSG.
Jwè franse a gen konfli ak klèb li sou dènye ane ki rete nan kontra li, e konsa li pat ale nan toune ke ekip li ap fè nan Japon ak Kore di Sid, e li te pito rete antrene ak jèn yo ansanm ak lòt jwè nan sant antrènman PSG nan Poissy.