Kore di Nò

Kore di Sid di ke Kore di Nò Tire Misil Balistik Nan Lanmè a

A TV screen shows a file image of North Korea's missile launch during a news program at the Seoul Railway Station in Seoul, South Korea, July 22, 2023.

Kore di Nò tire yon misil balistik nan lanmè sou kòt lès li, se sa lame Kore di Sid di madi 25 jiyè, apre yon soumaren nikleyè ameriken te rive nan peyi sa a.

USS Annapolis antre nan yon baz naval Kore di Sid nan zile Jeju nan sid peyi a lendi 24 jiyè, pou anbake materyèl militè pou yon misyon, san bay plis presizyon, se sa lamarin Kore di Sid di.

Yon premye soumaren nikleyè Ameriken, USS Kentucky te rive nan yon pò Kore di Sid Madi 18 Jiyè. Sete premye vizit yon soumaren misil balistik ak zam nikleyè ameriken (SSBN) nan peyi sa a depi ane 1980 yo. 2 alye yo ap chèche ranfòse ekipman estratejik yo pou dekouraje Kore di Nò atake Sid la.

Soumaren sa yo rive nan Seoul nan moman pwal gen chita pale ant Etazini ak Kore di Sid pou yo ka òganize repons nan ka ta gen yon lagè nikleyè ak Kore di Nò.

Kore di Nò te lanse 2 misil balistik mèkredi 19 jiyè apre vizit USS Kentucky a, e li te tire plizyè misil rapid ankò samdi 22 jiyè.