Asistan chef kòmandman l-ONU an fè konnen lendi li koumanse pale ak Kore di Nò sou yon sòlda ameriken ki te sove ale nan Kore di Nò, semèn pase a, lè li te janbe fwontyè ki anba gwo kontwòl militè ki separe 2 Kore yo.
Jeneral Andrew Harrison di kontak yo tanmen nan kad yon akò ki te fè Lagè Kore a sispann nan ane 1950-53 yo. Li di ke sa ki plis ba li enkyetid se byennèt sòlda Travis King, men li refize bay plis detay, kote li fè konnen sijè diskisyon yo se bagay sansib.
Kore di Nò pa di anyen an piblik sou King, ki te janbe fwontyè a, madi pase pandan li te dwe mete tèt pou baz li ki se Fort Bliss, nan eta Texas.