Sekretè Deta Ameriken Antony Blinken di yon gwo diplomat LaChin Jedi ke Washington pral konsidere pirat entènèt chinwa responsab pou atak ki fèt nan sistèm ajans gouvènman ameriken yo.
Blinken, nan yon chita pale ak Wang Yi nan Jakarta, kapital peyi Endonezi, di diplomat la klè ke “nenpòt aksyon ki vize gouvènman ameriken, konpayi ameriken, sitwayen ameriken, li ban nou gwo enkyetid e nou pral aji kòmsadwa pou fè moun ki komèt aksyon sa yo pote responsablite a," se sa yon gwo zotobre ameriken di nou.
Otorite a, ki te pale ak AFP sou kondisyon pou non li pa site, di Blinken te pale de nouvo ka sa yo men li pa di si prensipal diplomat Washington nan te akize dirèkteman gouvènman Lachin nan pou atak entènèt sa yo.
Microsoft te di semèn sa a yon gwoup pirat Chinwa te antre nan sistèm omwen 25 òganizasyon pou fè espyonaj.