Ticketmaster ranvwaye sanzatann lavant biyè pou 6 spektak atis Taylor Swift sipoze prezante nan peyi Lafrans.
Konpayi a pa esplike poukisa li fè sa, men mesaj ki pibliye sou vèsyon Franse Ticketmaster la sou Twitter kèk hè d tan apre poz la site yon pwoblèm ak youn nan konpayi ki lye av yo.
Ticketmaster ensiste ke biyè pou spektak Franse yo toujou disponib, e ke yap travay pou rezoud pwoblèm nan pi vit posib.
Kawo sa a rive apre yon pwoblèm espektakilè ki te rive nan mwad Novanm ane pase a lè lavant biyè pou spektak "Eras" yo Ozetazini te kanpe.
Ticketmaster di sit li an te kraze akot pakèt moun ki tap branche pou achte biyè. Plizyè milye moun te pèdi biyè yo te anvizaje achte apre yo te finn pase yon pakèt tan ap fè la ke an liy.