Lagè Larisi ap mennen nan Ikrèn pral dominen ajènda a, lè Prezidan Etazini Joe Biden ak tokay li yo nan peyi manm LOTAN yo (Oganizasyon Trete Atlantik Nò a) fè chita tande Madi ak Mèkredi semèn sa a.
Yo pral konsantre diskisyon an sou kisa yo dwe fè pa rapò ak demann Ikrèn fè pou l vinn manm LOTAN, ak garanti sekirite peyi a ka bezwen pou asire Larisi pa anvayi peyi a ankò apre lagè a.
Lidè yo pare pou apwouve nouvo plan defans ki ta antre ann aplikasyon si Prezidan Vladimir Putin eseye etann lagè li a pi lwen pase Ikrèn, epi fonse antre sou teritwa alye yo.
Aksesyon La Suèd se yon lòt sijè yo pral diskite. La Tiki lakoz antre peyi skandinav sa a nan alyans la ap trennen.
Lidè yo va tabli tou yon nouvo objektiv pou depans nan domèn defans la.