NEW DELHI (AP) — Prezidan Vladimir Putin di pèp Ris la “rete pi ini pase jan li te janm ye anvan,” pandan li ap chèche bay imaj yon prezidan ki kanpe solid apre yon revòlt tou kout ke gwoup Wagner a te fè nan Larisi.
Li fè deklarasyon sa a nan reyinyon yon òganizasyon entènasyonal ki mete devan li yon piblik ki gen senpati pou li.
Reyinyon Òganizasyon Koperasyon Shanghai la ke peyi End te òganize sou videyokonferans Madi se premye somè kote Putin t ap pale ak reprezantan plizyè peyi depi rebelyon ame te fè Larisi sezi, e li te anvi montre ke Lwès la pa reyisi nan efò pou izole Moskou poutèt envazyon li a nan Ikrèn an 2022.
Gwoup sekirite kontinan Azi a, ke Larisi ak Lachin te fonde pou kontrekare alyans Lwès la yo, te akeyi Iran kòm nouvo manm, sa ki fè gwoup la vin gen 9 nasyon.