Ankèt la konsantre kounye a sou idantifye kadav yo nan Centro Femenino de Adaptacion Social la, Sant Feminen pou Adaptasyon Sosyal, yon penitansye fanm ki kenbe 900 moun e ki nan anviwon 20 kilomèt (12 mil) ak kapital la Tegucigalpa. Se sa yon pòtpawòl prizon an di ajans nouvèl Reuters, e li ajoute ke kèk nan prizonye yo mouri boule, pandan ke lòt yo te mouri anba bal.
Prezidan yon asosyasyon pou fanmi prizonye, Delma Ordonez, di Reuters ke yon tapaj te pete nan prizon an nan granm maten jounen Madi a ant manm gang rival Barrio 18 ak Mara Salvatrucha (MS-13).
Gouvènman an pa kapab kounye a konfime detay sou sa ki te pase.
Imaj ki parèt sou medya lokal yo montre lafimen nwa ki t ap soti nan yon bilding prizon, e yo moutre tou andan yon yon selil prizon ki boule nèt.
Pita nan Madi, fanmi prizonye yo te rete kanpe deyò prizon an pou yo chèche nouvèl sou fanmi yo ki te andan prizon an.