Alyssa Thompson, 18 an, pami 23 jwèz ke seleksyon nasyonal Etazini chwazi pou defann tit chanpyon li nan Mondyal Foutbòl Medam yo mwa pwochen an.
Thompson pami yon melanj jwèz veteran ak nouvo vini ke antrenè seleksyon nasyonal Etazini an Vlatko Andonovski nomen Mèkredi.
Pami jwèz veteran yo, gen Megan Rapinoe ak Alex Morgan, ki pral jwe nan Mondyal Medam yo pou 4èm fwa. Nap raple chanpyona a pral dewoule nan Ostrali ak La Nouvèl Zeland ane sa a.
Thompson ap rejwenn nouvo vedèt foutbòl Amerikèn Sophia Smith ak Trinity Rodman - pitit fi ansyen jwè basketbòl Dennis Rodman - nan ekip la.