Prezidan Ris Vladimir Putin di ke li te "pare" pou yon "dyalòg pozitif ak moun ki vle lapè", pandan yon reyinyon ak medyatè Afriken samdi sou kriz Ikrèn nan, e li apresye ke Afriken yo wè kriz la "yon jan ekilibre".
Putin deklare "Nou akeyi apwòch balanse ke zanmi Afriken nou yo fè sou kesyon Ikrèn nan", li te pale konsa nan kòmansman reyinyon ki t ap dewoule nan Saint-Petersburg (nòdwès Larisi), kote delegasyon medyatè Afriken yo te rive apre yon vwayaj nan Kyiv.
Li te kontinye pou di: "Nou ouvè pou yon dyalòg pozitif ak moun ki vle lapè ki baze sou prensip jistis yo epi ki konsidere enterè lejitim pati yo" ki nan konfli a.
Nan Kyèv, Prezidan Ikrenyen Vladimir Zelensky nan Vandredi te rejte demand delegasyon Afriken an, e li di ke Moskou "ap twonpe" moun pandan fòs Ikrèn yo nan mitan yon kont-ofansiv.
Dapre Vladimir Putin, "Larisi gen anpil rèspè pou pozisyon peyi Afriken yo pou kenbe estabilite, e nou sipòte jan yo ap chache yon politik pasifik".