Pantagon nan di rapò ki di kòm kwa LaChin ak Kiba jwenn yon antant sekrè ki pral pemèt Peken konstwi yon enstalasyon espyonaj elektwonik sou zile a "pa korèk". Kiba sitye a yon distans 160 kilomèt ak Etazini.
Dapre sa Brigadye Jeneral Pat Ryder, sekretè de près Pantagon nan di jounalis yo, e nap site: "enfòmasyon nou genyen montre se pa korèk e ke nou pa o kouran de okenn plan Lachin ak Kiba genyen pou devlope oken estasyon espyonaj."
Dapre rapò ki paret nan Jounal Wall Street Journal e ki site sous ranseyman anonim, Lachin dakò pou l peye Kiba - ki gen gwo pwoblem lajan - plizye milya dola pou enstalasyon espyonaj la, ki ta pemet Peken koleksyone kominikasyon elektwonik toupatou nan sides Etazini kote Ameriken gen plizye baz milite.
Ryder ajoute ke Pangaton nan pa o kouran de okenn plan Lachin pou tabli yon baz milite nan Kiba ni oken lot kote nan rejyon an.
Sepandan li lanse avetisman pou di relasyon ant Kiba ak Lachin se yon bagay Pantagon nan ap veye de pre, ansanm ak nempot ki aktivite LaChina ta anreprann pou pran tet oubyen briskile moun nan Emisfe Oksidantal la.
Yon responsab wo plase Lamezonblanch dekri rapo yo kom "pa korek" tou.