Lafimen dife kap boule nan forè peyi Kanada rive jous sou kot es ak rejyon sant-wès Etazini epi koze yon polisyon ki danjre.
Lafimen an lakoz otorite yo te oblije ranvwaye kèk vol Mèkredi, entèdi timoun lekòl al jwe deyò pandan peryòd rekreyasyon epi anile evenman kap dewoule an plen èr. Anpil moun oblije re-mete mask yo te konn sèvi pandan pandemi a.
Responsab kanadyen yo etann lòd evakyasyon yo te lanse bay sitwayen kap viv nan zon kote dife a ap boule epi mande asistans peyi etranje pou touye plis pase 420 dife kap boule nan peyi a.
Pandansetan, kalite lè Ozetazini nan yon nivo "danjre" nan vil tankou Nouyòk, Washington, Vijini ak Endyana.