Pandan gen yon sesel-fe frajil nan Soudan, kèk manm ansyen rejim nan, pami yo prezidan depoze Omar al-Bashir kite prizon kote yo te fèmen, sa ki fè moun ap mande ki kote yo ye. Lame Soudan an akize Fòs Sipò Rapid (RSF) paramilitè yo kòmkwa yo te atake prizon an, pandan RSF akize akize lame a kòmkwa se li ki lage ansyen lidè yo.
Ahmed Haroun, yon responsab sekirite pou ansyen prezidan Soudan Omal al-Bashir, anonse ayè madi a li menm ak lòt ansyen lidè jwenn libète yo nan prizon Kober nan kapital la Khartoum kote yo te fèmen.
Haroun di media leta Tele Soudan ke prizonye yo te jwenn pèmisyon pou jete yo dimanch, apre lese-frape te pete toupre prizon an ki pa te ka pran swen yo akoz batay yo.
Haroun di tout prizonye yo te manke dlo, kouran ak swen sante. Li ajoute ke kèk nan yo te blese nan boukantay kout zam ki t ap fèt nan zòn nan