Kore di Sid voye yon avyon militè vandredi 21 avril la ale estatyone nan yon baz militè Ameriken nan Djibouti pou fè preparasyon pou evakye sitwayen li ki nan peyi vwazen an Soudan.
Sòlda ak pilòt avyasyon militè mete tout materyèl nesesè abò yon avyon militè C-130J anvan li te dekole nan yon ayewopò ki nan vil Busan, nan Kore di Sid.
Ministè afè etranjè Kore di Sid la di 26 sitwayen sid koreyen ki ap viv nan Soudan yo an sekrite. Depi samdi 15 avril pase a, de gwoup ap fè gwo afrontman youn ak lòt ki lakoz lanmò plis pase 400 moun.
Prensipal ayewopò Soudan an nan kapital la Khartoum fèmen depi lè gwo batay pou pouvwa te pete ant chèf lame a ak yon kòmandan fòs paramilitè.