Nan Peken prezidan Lachin ak Brezil rankontre Vandredi, kote yo met tèt yo ansanm pou yo lanse appel bay peyi devlope yo, pou mande yo kenbe pwomès yo te fè pou yo bay $ 100 milya dola chak ane pou ede peyi ki pi pòv yo konbat efè chanjman klima a.
"Nou kontinye wè ak anpil enkyetid ke peyi devlope yo pa respekte angajman sa a jis rive jounen jodi a », se sa ki di nan yon kominike ki parèt apre yon reyinyon ant Xi Jinping ak Luis Inacio Lula da Silva.
Kominike a kontinye pou di, "Nou ankouraje peyi devlope yo pou yo onore obligasyon finansye ke yo te pran pou ede konbat chanjman klima a. » Se an 2009 peyi devlope yo te pran angajman sa a ke yo janm respekte, dapre kominike a.