Lidè yo nan Inyon Ewòp la ka apwouve jedi yon plan pou akselere livrezon minisyon bay fòs Ikrèn yo k ap batay kont yon envazyon LaRisi.
Plan an ki koute 2 milya dola te jwenn apwobasyon minis afè etranjè ak defans Inyon an yo, semèn sa a. Li prevwa pou voye minisyon ki deja nan estòk pa yo e pou peyi yo nan Inyon an plase nouvo kòmand pou plis minisyon.
Lidè yo nan Ikrèn di alye yo ke lame Ikrèn nan gen yon bezwen ijan pou minisyon, espesyalman boulèt kanno 155 milimèt.
Sekretè-Jeneral l-ONU Antonio Guterres gen pou li rankontre ak lidè yo nan Inyon Ewòp la pou yon reyinyon dejene jedi, e Prezidan Ikrèn Volodymyr Zelenskyy gen pou li fè yon diskou sou video apre sa.
Sesyon jedi a fèt yon jou apre otorite Ikrèn yo te fè konnen nouvo atak LaRusi ak dronn e ak misil te pran lavi 7 moun pou pi piti nan 2 vil.