Taiwan ap fè fas ak posibilite pou l pèdi yon lot alye diplomatik apre prezidan Onduras, Xiomara Castro deklare Madi li pase lod bay minis afè etranjè peyi a pou l louvri relasyon diplomatik ofisyèlman ak Lachin.
Lachin konsidere Taiwan, ki gen yon gouvènman demokratik, tankou teritwa pa li epi ke li pa gen dwa gen relasyon diplomatik ak peyi etranje. Taiwan pa dako ak pozisyon sa a.
Pandan ane yo, Lachin minnen piti-piti kantite peyi ki gen relasyon diplomatik ofisyèlman ak Taiwan.
Si Onduras koupe relasyon diplomatik ak Taiwan, sa pral vle di zile a rete ak 13 alye diplomatik sèlman.
Men lis peyi ki gen relasyon diplomatik ak Taiwan:
Amerik Latin ak Karayib la:
- Beliz
- Guatemala
- Onduras
- Paragwe
- Ayiti
- Sen Kitts & Nevis
- Sent Lusi
- Sen Vensan ak Grenadin yo
Pasifik
- Zile Marechal yo
- Nauru
- Palau
- Tuvalu
Afrik
- Eswatini
Ewòp
- Vatikan