Lachin deklare Vandredi ke li opoze ak tout fos "sipresyon ki pa rezonab ak zak piyaj palafos peyi etranje ap fè kont antrepriz li yo."
Wang Wenbin se potpawol Ministe Afe Etranje Lachin.
"Nou deja presize pozisyon nou sou kestyon sa a plizyè fwa. Nou ta renmen re-itere yon lot fwa anko ke kestyon sekirite done yo pa fèt pou l sèvi kom zouti kèk peyi pou yo abize ak pwolonje konsèpt sekirite nasyonal la, abi pouvwa nasyonal epi siprime yon fason ki pa rezonab antrepriz lot peyi. Li enpotan sitou pou souliyen ke Etazini poko bay oken prèv pou montre TikTok menase sekirite nasyonal Etazini. Nou opoze ak tout fos nou, jeneralizasyon Etazini de konsèpt sekirite nasyonal la, abi pouvwa leta ak fason yap chache siprime epi piye pa lafos antrepriz etranje. Etazini ta dwe respekte prensip mache lib ak konpetisyon jis epi sispann siprime antrepriz lot peyi."
Yon responsab Chinwa fè deklarasyon sa a pou reponn yon atik ke jounal Ameriken New York Post pibliye pou di TikTok nan poupale ak moun ki enterese achte aplikasyon li apre Etazini menase pou l entèdi app la.
Gouvènman toupatou nan mond lan gen kè sote sou posibilite pou gouvènman Chinwa a gen aksè ak zon presi kote itilizatè yo ye ak lot done pèsonèl atravè ByteDance ki se konpayi Chinwaz ki pwopriyetè TikTok.
Kè sote sa yo te vinn pran elan semèn sa a apre ke admnistrasyon Biden nan te egzije pou pwopriyetè Chinwa TikTok yo vann aksyon yo si yo pa vle fè fas ak yon entèdiksyon Ozetazini.
Administrasyon Biden nan apiye yon pwojè lwa ki soulve kè sote otorite yo genyen vizavi ak app popilè a pou rezon sekirite nasyonal.
Senate Demokrat Mark Warner dirije komite Ranseyman ki ekri pwoje lwa a.
"Mwen absoliman kwe Lachin ak prensip otorite li yo ap dominen teknoloji sa a. Se pa yon bagay ki nan entere sekirite nasyonal Etazini ni nan entere moun nan mond lan ki pap viv anba rejim sel kok chante."
Reuters pale ak kèk influencers ki kreye kontni popilè sou TikTok sou pwojè Etazini genyen pou l entèdi TikTok Ozetazini.
Yo di yo devaste.
Ellie Rallo pibliye videyo sou relasyon amourez ak lavi an jeneral. Kontni sa a fe'l tounen yon vedèt. Gen plis pase 650,000 moun kap suiv li sou TikTok e li gen plis pase 88 milyon likes.
" Mwen akselere tout rèv mwen te janm genyen. Mwen te komanse kreye kontni pou TikTok anvan mwen te travay sou lot app. Donk mwen sipoze map oblije adapte m.
Apps tankou TikTok louvri pot pou moun ki soti nan tout kouch sosyal kote yo kapab pataje istwa yo yon fason ki pat janm posib anvan. Si yo wetire posibilite sa a mwen kwe se sa ki pral devaste m pi plis pase tout lot bagay."
Yon lot influencer ki rele Duke Alexander Moore di TikTok sove lavi l.
"Men konbyen lajan ki nan kontanbank mwen jodia. Men anvan sa mwen te kouche lopital ak resevwa swen. Nan foto sa a mwen preske finn mouri. Sete 5em oubyen 6em fwa mwen te eseye touye tet mwen."
Misye di nan epok la li pat gen kay. Kounyea li gen anpil lajan gras ak platfom nan.
"Mwen tap fe l deja, mwen tap jwi TikTok epi yon jou mwen te we yon neg kap pale sou taks epi mwen te di mwen ka fe sa tou. Anouwe."
Apre pandemi a moun te kouri tcheke kont TikTok li pou gen konsey sou enpo.
Se konpayi Chinwa ByteDance ki se pwopriyete TikTok e gen plis pase 100 milyon Ameriken ki sevi ave l.
Enfomasyon pou repotaj sa a soti nan Reuters