Otorite nan Ikrèn di madi yon misil ris frape vil Kramatorsk, kote pou pi piti yon moun pèdi lavi.
Prezidan Ikrèn Volodymyr Zelenskyy poste yon telegram ki fè konnen misil la frape sant vil la e donmaje 6 bilding ki gen plizyè etaj.
Atak la fèt nan moman LaRisi di sa li te di deja kòmkwa se Ikrèn ki refize angaje li nan chita-koze lapè.
Pòtpawòl prezidansyèl LaRisi, Dmitry Peskov, di jounalis yo ke LaRisi gen sèlman yon chimen militè pou li swiv nan Ikrèn. « Nou dwe akonpli objiektif nou, » se sa Peskov di jounalis yo, e li kontinye pou li di, « Dapre pozisyon ke rejim nan pran an, kounyea nou sèlman ka akonpli li pa mwayen militè. »
LaRisi te fè konnen lendi, li pare pou li pèmèt pwolongasyon yon antant pou ekspòte sereyal ki ap soti Ikrèn, sa ki ede bese pri manje nan mond la, men sèlman pou 60 jou.