Nan yon deklarasyon Jedi klèb Catalan anonse ke Joao Mendes, pitit gason Ronaldinho, ansyen lejand ekip FC Barcelone nan, antre nan ekip FC Barcelona.
Joao Mendes te fè antrènman nan akademi Cruzeiro nan peyi Brezil e ane pase li te mete fen nan kontra li avek akademi an.
Li te fè plizyè esè ak ekip Barça nan semèn ki sot pase yo anvan dirijan ekip la te rive jwenn yon akò ak estaf li anfavè Joao, men yo pa bay okenn detay sou konbyen tan akò a ap dire.
Joao Mendes pral jwe pou ekip rezèv Barça a 15 lane apre papa l te kite Katalòy.