Chèf diplomasi Ameriken an Antony Blinken deklare Madi nan Atèn ke Prezidan Ris la Vladimir Putin te fè "yon echèk estratejik" ak envazyon Ikrèn lan, prèske yon ane apre li te deside anvayi vwazen li.
Nan yon konferans pou laprès ak tokay grèk li Nikos Dendias Blinken deklare "Yon ane apre Prezidan Putin te atake Ikrèn, li klè ke lagè li a se yon echèk estratejik nan tout respè".
Li te ajoute ke echèk "Sa a se akòz kouraj pèp Ikrenyen a, ak fòs ak inite ki gen nan mitan alye yo ak lòt patnè nou atravè mond lan ki te vin sipòte Ikrèn."
Nan Moskou, prèske nan menm tan an, lidè Ris la te pwomèt pou l kontinye atak militè li nan Ikrèn, epi li te akize Lwès la kòm responsab eskalasyon ki gen nan konfli a ki te kòmanse nan dat 24 fevriye 2022.
"Okenn moun pa te vle lagè sa a", se sa Antony Blinken te di . "Okenn moun pa renmen lagè sa a. Tout moun vle li fini pi vit ke posib".
Blinken ajoute: "Li enpòtan pou ansanm nou defann prensip debaz yo".