Sekretè Deta Ameriken an Antony Blinken, apre yon reyinyon ak tokay li Chinwa Wang Yi, avèti ke Peken planifye pou bay Larisi "zam" pou sipòte atak ris yo nan Ikrèn.
Nan yon entèvyou li te bay sou chèn televizyon Ameriken an CBS li te deklare : "Nou te gen opòtinite tou pou nou pale sou lagè Larisi a kont Ikrèn ak enkyetid nou genyen ke Lachin ap planifye pou bay sipò letal ak Larisi."
Jounalis la te mande si sa ta vle di sipò letal, chèf diplomasi Ameriken an te reponn: "Zam".