Ministè Defans Grand Bretay di jodi madi a fòs ris yo ak sa yo nan gwoup mèsenè Wagner siman gen kontwòl pifò nan Soledar, yon ti bouk kote moun ap travay nan sèl nan lès Ikrèn, e ki pami youn nan zòn ki gen pi gwo batay yo.
Batay pou Soledar la lakoz gwo pèt nan tou le 2 kan yo.
Prezidan Ikrèn Volodymyr Zelenskyy, lendi, nan diskou ke li fè chak swa a, bay dekripsyon kote li di, « Preske pa gen okenn miray ann antye ki rete kanpe. »
Nan apeprè 10 kilomèt ak Soledar gen vil Bakhmut ki, dapre Ministè Defans Grand Bretay ki bay evalyasyon pa li chak jou, ka se pwochen pozisyon ke LaRisi pwal vize.