Plis pase 500 migran Kiben debake nan zile Florid yo pandan wikèn nan. Se pi gwo kantite migran yo konstate kap kouri kite zile Kominis la.
Gwo ogmantasyon sa a bay pwoblèm pou gad fwontyè Etazini kap travay sou lanmè ak sou tè.
Yon gwoup migran Kiben rasanble sou zile Duck Key nan eta Florid, 2 Janvye 2023.
Vwayaj soti Kiba pou rive Florid la danjre anpil. Gen plizyè milye migran ki peri sou lanmè pandan ane ki pase yo. Men gen plis Kiben kounyea kap tante chans yo.
Depi 1 Oktòb, gen apepre 4,200 Kiben ke Gad Kòt ranmase sou lanmè - sa egal 43 moun pa jou.
Yon gad fwontye Etazini veye migran kap antre nan yon kamyonet sou riyel Garden Cove nan zile Key Largo, Florid, 3 Janvye 2023.
Gad Kòt eseye anpeche migran Kiben yo rive Ozetazini epi mennen yo tounen nan peyi yo, men kanmenm, gen anpil ki rive nan Florid.