Cristiano Ronaldo ke tout moun konnen sou non CR7 te ofisyèlman prezante devan fanatik nouvo ekip Al-Nassr Madi 3 janvye a.
Sipèsta Pòtigè a, ki gen 37 an te di nan yon konferans pou laprès nan estad Mrsool Park nan Riyad la ke "An Ewòp travay mwen fini, mwen te genyen tout bagay, mwen te bay sèvis mwen ak tout klib ki pi enpòtan yo sou kontinan an."
5 fwa Ballon d'Or la, kite mete fen ak ansyen ekip li Manchester United nan kòmansman Mondyal 2022 a , te siyen yon kontra ak ekip Al-Nassr a jiska jen 2025 pou yon sòm total ki estime a 200 milyon ero.
Atakan 37-zan, te rive lannwit nan Ryad e li te di "Anpil klib nan Ewòp, men tou nan peyi Brezil, Ostrali, Etazini ak menm Pòtigal te eseye siyen m 'men mwen te bay pawòl mwen nan klib sa".