Repibliken nan Lachanm Depite Etazini pase yon jounen kawotik Madi, ki se premye jounen nouvo sesyon Kongrè a. Poukisa? Lidè Repibliken Lachanm nan, Kevin McCarthy te goumen ak Repibliken zèl dwat yo ki refize vote pou li kom pwochen lidè Lachanm.
Kont ki pete ant McCarthy ak yon gwoup konsèvatè ki gen a la tèt yo Freedom Caucus la e ki aliyen an ajènda MAGA Donald Trump la, te vle di McCarthy te oblije redi anpil pou evite tounen premye moun depi 100 an ki nomen pou dirije Lachanm men ki pèdi vòt la.
Apre yon rankont kokis Repibliken an Madi maten, ti gwoup manm Freedom Caucus yo te kontinye ensiste pou pap kite McCarthy tounen pwochen lidè Lachanm.
Scott Perry reprezante eta Pensilvani nan Kongre a. Li se manm Freedom Caucus la.
" Map travay toujou pou evite moman sa a. Donk gen yon yon kestyon moun dwe poze tet yo olye yo mande moun ki kanpe ave m ki sa ki koze kriz sa a? Eben nou pa poukont nou. Gen yon moun ki te ka chanje sityasyon an pavre?"
Your browser doesn’t support HTML5
McCarthy Echwe nan Tantativ Pou l Tounen Pwochen Lidè Lachanm Depite Etazini
Gwoup la di yo gen atitid sa paske McCarthy refize of yo te fè l pou chanje règleman yo pandan yon rankont ki te dewoule nan Capitol la byen ta Lendi swa.
Matt Gaetz reprezante eta Florid naqn Lachanm.
"Sa yo pa mi nou ki pap vote pou Kevin McCarthy jodia pa kontan nan moman kote malèz sa a ap jennen tout moun, men si ou vle koule marè a, ou paka mete pi gwo kokodil kòm jeran jefò a. Mwen se moun Florid donk mwen konnen sa map di."
Depite Lauren Boebert, ki reprezante eta Colorado pa kontan ak McCarthy non plis.
"Map travay chak jou pou inifye Pati Repibliken an pou pèp Ameriken an. E ye nou te gen yon antant ki pat egoyis ditou - e ki te bay Kevin McCarthy posibilite pou l ranpòte vòt la premye fwa a. Li banou vag san pèdi tan. "
Pandansetan, manm Freedom Caucus Marjorie Taylor Green ki se moun eta Joji, te vekse ak moun kap chache anpeche McCarthy ranpòte pòs la.
"Sa pa gen anyen pou we ak peyi a. Se yon kestyon jamè Kevin. Yo tou senpleman pa vle wè Kevin McCarthy. E ou paka ranpote siksè si ou paka antre nan yon sal fè sa ou vle epi jwenn yon antant. Se konsa ou moun genyen san li pa oblije gen kè sote sou kiyes ki renmen l oubyen pa renmen l. Se pa yon konkirans popilarite. "
McCarthy ap ranje kò l pou ranplase Pelosi kòm lide Lachanm, men nan moman vòt la te kòmanse, li pat gen okenn garanti sikse. Li tap fe fas ak Repibliken parey li ki tap eseye minnen jefo li. Malgre tantativ li te fe pou chouchoute yo, goumen ak yo epi pran tet yo - McCarthy echwe.
Tipikman, fok yon majorite 435 manm Lachanm yo, swa 218 depite vote an fave yon moun pou l ranpòte pòs lide a. Repibliken yo gen selman 222 syej nan Lachanm. Donk pou genyen pos la li te bezwen pou yo tout vote pou li.
Yon lide kapab ranpote la viktwa ak mwenske 218 vwa jan Pelosi ak Boehner te fe l, si kek palmante swa absan oubyen vote "prezan".