Plizyè dizèn milye moun fè liy byen long piu wè sèkèy Pap Emerit Benwa 16, kote otorite nan Vatikan ekspoze l nan Bazilik Sen Pyè a.
Anpil nan premye moun ki te gen chans pou wè kadav la lendi a se touris ki pase plizyè zè anvan yo te ouvè Bazilik la.
Responsab sekirite nan Vatikan estime nan maten ke nan apremidi, ap gen anviwon 6 èdtan depi pòt bazilik la te louvri , e ap gen apreprè 40 mil moun k ap gentan wè kò Pontif retrete a ki mouri samdi pase a nan maten. Li te gen 95 zan.
Sèkèy ansyen pap la ekspoze pou 10 èdtan Lendi nan Bazilik Sen Pyè a.
Yo pwograme pou ekspoze kò a madi ak mèkredi pou 12 èdtan anvan antèman an ki gen pou dewoule jedi maten. Se Pap Franswa k ap chante fineray predesesè l , sa ki reprezante yon evenman istorik nan lavi Legliz Katolik Womèn.