Oleksandra Matviichuk, manm Sant Ikrenyen pou Libète Sivil rejte apèl pou yon konpwomi politik k ap pèmèt Larisi toujou kenbe ilegalman kèk teritwa ikrenyen. Li presize : «lite pou lapè a pa vle di abandone presyon yo kont agresè a, men li vle di pito, pwoteje moun yo kont kriyote l yo », pandan l presize ankò ak yon vwa chaje ak emosyon , ou pa ka jwenn lapè nan men yon peyi ki anba atak epi ou mande l pou l depoze lèzam. « Sa pa t ap lapè, se t ap okipasyon», Pawòl Oleksandra Matviichuk
ki lanse yon lòt apèl pou, prezidan ris Vladimir Putin ak prezidan Belaris la Alexandre Loukachenko, ki ofri teritwa peyi l bay lame ris pou l anvayi Ikrèn, konparèt devan yon tribinal entènasyonal .
Matviichuk , se youn nan pri Nobel Lapè 2022-a nan mwa oktòb pase a. Lòt loreya yo se militan dwa zimen Ales Bialiatski ki soti Belaris e li se responsab Viasna, yon gwoup dwazimen Belaris .
Bialiatski twouve l nan prizon nan Belaris pandan l ap tann pwosè l. Li riske pran yon santans 12 zan prizon. Li pat jwen otorizasyon poul te voye yon diskou nan okazyon an. Sepandan li te pataje kèk refleksyon ak madanm ni Natallia Pinchuk ki te vin wè l nan prizon . Madanm ni te pran lapawòl nan non l nan seremoni remiz pri a.
« Nan patri pam, tout Belaris nan prizon ». Li t ap fè referans ak yon represyon radikal kont opozisyon politik la apre gwo pwotestasyon kont sa l konsidere tankou yon vot chaje ak magouy ki pèmèt prezidan Loukachenko pwolonje manda l . Loreya Pri Nobel lapè a di « Pri sa se pou tout zanmi defansè dwamoun mwen yo , tout militan dwa sivik yo, plizyè dizèn milye moun Belaris ki viktim zak move tretman, maspinay, arestasyon ak prizon »
Bialiatski se katriyèm moun nan 121 ane istwa Pri Nobel la ki resevwa pri a pandan yo nan prizon ou an detansyon . Madanm ni prezante Loukachenko kòm yon zouti nan men Putin.
Dènye loreya a se gwoup dwa zimen , Memorial .Kou Siprèm Larisi a te fèmen Memorial, youn nan òganizasyon defans dwa moun ki pi ansyen e pi enpòtan nan Larisi e li resevwa gwo wochan pou etid li sou represyon politik Inyon Sovyetik ---yon etid ki te parèt an desanm 2021.
Avan sa, gouvèman ris la te deklare oganizasyon an «ajan etranje », sa ki reprezante se yon move etikèt pou diskredite yon òganizyon.
Nan okazyon seremoni an, Jan Rachinsky lidè Memorial, deklare « Jounen jodi a , eta tris sosyete sivil la nan Larisi , se konsekans yon pase ki pa janm rezoud » Li dekri agresyon Larisi a la kont vwazen l kom yon bagay ki lèd, men li rejte nosyon « kilpabilite nasyonal la. »
Pri sa ki al jwenn 3 loreya reprezante yon gwo reprimand kont Putin, non selman pou envazyon l ann Ikren, men tou pou represyon Kremlin kont opozisyon nasyonal la ak soutyen lap bay prezidan Belaris devan represyon brital Loukachenko kont opozan politik yo .