Apre yon ane sou pouvwa a an Almay, Olaf Scholz te reziste anba gwo chòk lagè Ikrèn kote lagè a te deranje ekonomi peyi Ewòp yo, prensipalman peyi Almay. Popilarite chanselye a bese e li ap batay pou remonte li.
Depite Alman yo 8 desanm 2021 te eli chanselye a nan tèt peyi a, sa ki te vin mete on fen nan 16 ane ke Angela Merkel te pase nan tèt peyi a.
Bilan opinyon piblik la sou teritwa nasyonal la 12 mwa li pase sou pouvwa a parèt tankou yon sanksyon.
Gen 64% nan Alman yo ki di yo pa satisfè ak gouvènman kowalisyon li an ki mennen ak on pakèt liberal, epi 58% yo pa satisfè ak travay Olaf Scholz. Chif sa yo se dapre yon sondaj ke konpayi Insa te pibliye dimanch.
Si ta gen yon eleksyon jodi a kowalisyon Scholz la pa tap jwenn yon majorite.
Apenn li te rive nan tèt peyi a, Scholz la tap pale de chanjaman bidjè, politik klima ki te trè anbisye e tout sa te chavire tèt anba akòz lagè a ki lakoz Almay gen pwoblem enèji, e enflasyon an monte 17 wotè.