Mondyal la ap tanmen nan 3 jou! 20 Novanm. Seleksyon Nasyonal La Frans - chanpyon an tit la - debake Qatar Mekredi.
Antrenè Didier Deschamps ap dirije ekip la.
Jodia, mesye te antrene. Anpil fanatik mete espwa yo sou Olivier Giroud, 36 zan ki nimewo 2 sou lis jwe franse ki make plis gòl yo - swa 49.
Li make 3 gol nan Mondyal ki pase yo ak tounwa Ewopeyen pandan karye li. Eske li pare pou make gòl nan Qatar?
La France pral defann tit li kont Ostrali Madi anvan li woule balon kont Danmark ak Tunizi nan Gwoup D a.
Seleksyon Nasyonal Ajantin rive Doha,Qatar, 17 Nov. 2022.
Pami lòt ekip ki fek debake Qatar nou jwenn - Ajantinn! Youn nan ekip prefere yo.
Lionel Messi ap selebre viktwa 5-0 ekip li kont Emira Arab Uni Mekredi.
Premye match Ajantinn, ki fe pati gwoup C se pral kont Arabi Saoudit Madi 22 Novanm. Apre sa yap fe fas ak Meksik 26 Novanm epi Polòy 4 jou apre sa.
Ekip Polòy la limenm te akonpaye pa 2 djet F-16. Jet yo rejwen ekip la le yo tap pase sou Lodz epi yo swiv yo juskaske yo te travese fwontye Polòy.
Youn nan pilòt yo te pote yon pannkat ki di Foutbòl Unifye nou - Ki se slogan Federasyon Foutbòl Polonez la.
Poloy pral jwe 22 Novanm kont Meksik nan Gwoup C epi apre sa yo pral jwe kont Arabi Saoudit epi Ajantin.
Jwe seleksyon Ameriken Tyler Adams siyen balon foutbol pou travaye migran yo pandan yon evenman kominote nan stad Al Gharrafa a, nan Doha, Qatar.
Seleksyon nasyonal Etazini an antrene Madi ak migran ki te ede bati stad yo pou Mondyal la.
Vedet ekip la - Christian Pulisic, Jordan Morris, Tyler Adams Weston McKennie, Kellyn Acosta ak Yunus Musah te rejwenn apepre 19 travaye ki se moun Azi ak Afrik.
Qatar resevwa move kane akoz nouvel ki di li pa peye travaye yo, li egzije yo travay nan gwo chale, epi li vyole kontra yo. Qatar rejte demann pou tabli yon fon $440 milyon dola pou konpanse travaye yo pou abi yo sibi.
Vedet Ekip Ameriken an Deandre Yedlin 29 an te pale ak jounalis yo nan moman ekip la ap fe preparasyon pou premye match yo.
Seleksyon Ameriken nan se youn pami pi jen yo.
"Byen antandu ekip sa a jen. Pa gen okenn manm ekip la eksepte mwenmenm ki deja jwe nan yon Mondyal. Men anpil nan mesye yo gen eksperyans jwe nan gwo tounwa toupatou nan mond lan kitse Cristian nan Lig Chanpyon an etseta. Se yon tounwa masif. Donk anpil nan mesye sa yo konn sa li ye le wap jwe nan gwo match. Mwen su yo pap gen pwoblem. Nou se yon ekip sere, nou tankou yon fanmi nou tankou fre. Jiskaprezan pwosesis la byen pase. Mwen renmen jwe ak mesye sa yo menm jan mwen te renmen ekip ane 2014 la tou. Men nan epòk Mondyal Brezil la mwen te pi jen donk se yon bel bagay ke'm ka jwe yon wòl lide ekip sa a."
Etazini pral fe fas ak Anglete epi Iran nan Gwoup A.
Enfomasyon pou repotaj sa a soti nan AP ak Reuters