Rapez Nicki Minaj pral resevwa pri Videyo Avan-Gad la nan seremoni remiz pri MTV yo ki pral dewoule pi ta mwa sa a.
Nicki ap rejwenn atis tankou Madonna, Janet Jackson, LL Cool J, Jennifer Lopez ak Missy Elliott ki deja pran pri sa a.
Rapez la ranpòte deja 5 twofe MTV pou hit li yo tankou "Anaconda, "Chun-Li" epi "Hot Girl Summer", e li pral resevwa pri a epi pefòme nan seremoni ki fikse pou 28 Out la nan Prudential Center nan vil Newark, New Jèrze.
Pami lot atis ki sou lis pou prezante spektak pandan seremoni a gen: Anitta, J. Balvin, Marshmello ak Khalid epi Panic! At the Disco.
MTV di li va anonse lot atis kap la anvan lontan.