Etazini deklare yon ijans piblik pou ogmante repons federal la fas ak yon epidemi varyol senj ki deja enfekte plis pase 7,100 Ameriken.
Se Depatman Sante Piblik ak Sevis Imen an ki anonse nouvel la Jedi. Sa pral mete a la dispozisyon otorite yo lajan ak resous pou konbat viris la.
Varyol senj koze lafyev, ko kraze, frison, fatig ak bouton ki grate toupatou sou ko a.
Xavier Becerra, direkte Sevis Sante Piblik Etazini di ajans la pare pou'l pouse repons federal la nan yon nivo ki "pi wo".