Minis Zafè Etranje Nikaragwa a di nan yon lèt ke li te voye bay Sekretè Deta Ameriken an Antony Blinken ke "Gouvènman Nikaragwa a, ak pouvwa li genyen poul egzèse sak bon pou souverènte nasyonal li, wetire imedyatman otorizasyon yo te bay Hugo Rodríguez pou li pile tèritwa Nikaragwa"
Managua jistifye mezi sa a pa akòz yon deklarasyon ke Anbasade Rodríguez te fè jedi devan Komite Relasyon Etranjè Sena Etazini an.
Nan mwa me 2022, Prezidan Ameriken Joe Biden te nonmen Misye Rodríguez kòm anbasadè nan Managua, men Palman Nikaragwa a dwe ratifye nominasyon an.
Nikaragwa ak Lèzetazini vin gen yon relasyon diplomatik difisil depi lè manifestasyon opozisyon an kont gouvènman Daniel Ortega a an 2018 ki, daprè Komisyon Entè-Ameriken sou Dwa Moun (IACHR), te koze lanmò 355 moun.
Yo vin gen plis tansyon ant yo apre Ortega te re-eli pou yon katriyèm manda youn apre lòt kom prezidan. Washington di eleksyon sa a te chaje ak koken paske Ortega te femen rival politik li yo te nan prizon.
Nan pale ak komite Sena a nan Jedi, Rodríguez di Nikaragwa "ap vin de pli zan pli yon eta paria nan rejyon an" epi li konpare peyi a ak yon rejim"diktati" tankou rejim ki tap dirije Repiblik Dominikèn nan ane 1950 yo nan epok li tap viv nan peyi sa a.
Li te santi tou ke "fè Nikaragwa soti nan CAFTA a (Akò Lib Komès ant Amerik Santral, Repiblik Dominikèn ak Etazini) se yon zouti potansyèlman trè pwisan ak yon bagay ke nou (Etazini) dwe seryezman konsidere" pou sanksyone Ortega.
Minis Zafè Etranje a Denis Moncada te kritike Rodríguez. Li di misye " pa dwe mele nan pwoblèm nasyonal ki konsène sèlman pèp Nikaragwa a".