LaRisi fè konnen lendi misil li ki frape pò Odesa nan Ikrèn pa ta dwe afekte yon akò pou Ikrèn rekoumanse ekspòte danre.
Pòtpawòl Kremlen Dmitry Peskov di frap yo sèlman touche yon enfrastrikti militè e ke "nan okenn fason yo pa gen rapò ak ensfrastrikti ki sèvi pou ekspòtasyon danre."
O koumansman, LaRisi te demanti ke li te enplike nan frap ki te fèt samdi a, men li di ayè dimanch la fòs li yo te responsab.
Otorite nan Ikrèn di y ap travay pou ekspòte danre ankò apre antant ke Ikrèn ak laRisi te siyen vandredi a.
Nasyon Zini ak Turki te ede negosye akò a, ki mande pou flòt LaRisi nan Lanmè Nwa a pèmèt pasaj san danje nan zòn kote LaRisi te mete yon blokaj depi li te lanse envazyon li nan Ikrèn nan finisman mwa Fevriye a.