Sekretè d'Eta Antony Blinken dekri asasina ansyen Premye Minis Japonè Shinzo Abe kom "chokan" Vandredi ak "pwofondeman twoublan". Blinken dekri Abe tankou yon lidè ki te gen yon gran vizyon ak yon patnè ekstraodine Lèzetazini.
Blinken fè komantè sa a nan komansman yon rankont trilateral ak tokay Japonè ak Sid Koreyen li nan vil Bali, kote lap asiste yon rankont ministeryèl Gwoup dè 20 an.
Blinken di pou Lèzetazini Abe te elve relasyon bilateral yo depi premye jou li sou pouvwa a.
Blinken ajoute ke Abe te "yon politisyen ki te gen yon gran vizyon pou sa yon Endo-Pasifik lib taka sanble epi yon kapasite enkwayab pou travay pou reyalize vizyon sa a. Li ajoute politik etranje Abe a te kontre tantativ La Chin ap fè pou'l ogmante enfliyans li nan rejyon an, ki se yon politik Washington adopte tou.
Blinken di lanmo Abe se yon "gwo pèt pou Japon ak tout mond land."
An menm tan, Minis Afè Etranjè Sid Koreyen an, Park Jin kondane asasina a e li di yon zak yo pat fèt pou tolere yon zak vyolans konsa.
Enfomasyon pou repotaj sa a soti nan Reuters