CHIKAGO —Yon pwofesѐ nan Filadelfi, yon jenn moun ki potko gen 20 nan Arizona, epi yon polisye nan Chikago te pami plizyѐ santѐn moun ki te tonbe anba bal nan wikenn pase a nan kad yon seri de fiziyiad san rete ki vin pote vyolans zam nan plas prensipal la nan politik Ozetazini.
Plis pase 124 moun te mouri tandiske 325 lòt te blese nan plis pase 300 fiziyad yo anrejistre Ozetazini depi vandredi pase a, dapre kalkil GunViolence Archive.org, yon oganizasyon ki pa la pou fѐ pwofi e ki baze Washington, D.C. Gwo kantite vyolans sa a yo anrejistre pandan wikenn nan vini aprѐ yon seri de fiziyad ki touye moun pa bann e pa pakѐt nan Uvalde, o Tekzas, Buffalo, New York, avek Tulsa, nan Oklahoma, ki vin relanse deba nasyonal la sou restriksyon ki pi sevѐ konsѐnan pwopriyete zam, yon bagay militan k ap defann dwa pou moun pote zam yo rejte ak tout f òs.
Apre seri tire sa yo ki fѐt nan wikenn nan, yon kantite majistra nan gwo vil yo fѐ konnen kijan yo fristre akoz konsekans vyolans sa a genyen na kominote yo. Majistra Chattanooga a, Tim Kelly, te bay yo konferans pou laprѐs dimanch, kѐk ѐdtan apre 2 moun te mouri epi 14 lòt te blese nan yon tire ki te fѐt nan yon bwatdenui nan vil la, konferans kote li deklare:
“Mwen fatige vin kanpe devan nou pou m m ap pale de zamafe ak kadav.” Bo kote pa l, majistra Filadelfi a, Jim Kenney, te pale dimanch pou l di: “Gwo ogmantasyon nou konstate nan vyolans ak zam atravѐ peyi a epi isit la, nan Filadelfi, non selman kase kѐ mwen, men tou sa fѐ m fache; sa revolte m.” Majistra Kenney pale konsa yon jou apre 3 moun te pѐdi lavi yo epi 12 lòt te blese lѐ moun te tire koutzam nan yon foul ki t e rasanble nan yon barestoran nan Ri South Street, nan Filadelfi.