Ewòp

Yon Ameriken ki t al Goumen nan Ikrèn Kont Fòs Ris yo Jwenn Lanmò li

Russia's invasion of Ukraine continues, in Kyiv

Willy Joseph Cancel se yon Ameriken ki te al goumen nan Ikrèn kont fòs Ris yo. Misye te mouri sou chan batay, dapre sa manm nan fanmi li te di. Pentagòn lan tou lanse avètisman pou di sitwayen Ameriken yo pa dwe eseye ale tante antre nan konfli sa a nan Ikrèn pou al batay.

Rebecca Cabrera ki se manman Ameriken an te di CNN, ke Willy Joseph Cancel ki gen 22 an, pèdi lavi nan Ikrèn nan mitan mwa Mas la.

Kirby Pentagon

Pòtpawòl Pentagòn John Kirby deklare sou CNN" Nou ap kontinye ankouraje Ameriken yo pou yo pa ale nan Ikrèn", e li te eksprime sipò li pou fanmi viktim lan.

Li te Kontinye poul di "Se yon lagè k ap kontinye, (...) se pa yon kote Ameriken ta dwe ale."

Rebecca Cabrera di pitit gason lan "te vle ale la paske li te kwè nan sa Ikrèn ap goumen pou defann , e li te vle fè pati de jefo sa a '.

Jenn gason an mouri kite yon madanm ak yon timoun 7 mwa, dapre sa laprès Ameriken di . Madanm li Brittany Cancel konfime lanmò mari li nan yon nòt pou laprès ke li te voye bay plizyè medya Ameriken.

Misye te yon ansyen militè, ki te rantre nan yon konpayi paramilitè prive epi yo te ofri tèt yo kom volontè poul al ede Ikrèn.