Yon lot fwa ankò Iran anpeche medam yo antre nan yon stab foutbòl pou yo gade yon match entènasyonal, kidonk plizyè santèn moun ki gen tikè pou match la rete deyò stad la, daprè sa laprès nan Iran rapòte mekredi 30 Mas la.
Iran te jwe yon match kalifikasyon pou koup di mond kont Liban kote Iran kale madi swa a 2 a zero . Match sa a te dewoule nan stad Imam Reza nan vil Mashhad nan nodès peyi a.
Apepre 2 mil fi iranyen ki te achte tikè pou match Iran – Liban an te prezan nan alantou Stad Imam Reza a . Men yo pat ka antre nan stad la dapre Ajans Nouvel Isna.