Filipin ak Etazini sot tanmen lendi 28 mas la pi gran egzesis militè yo ansanm depi ane 2015, sa ki souliye yon ale-mye nan relasyon defans yo apre ke Prezidan Rodrigo Duterte te redui kèk jwèt lagè pou pousuiv relasyon ki pi sere avek la Chin.
Egzèsis Balikatan nan, ki vle di egzesis zepol-ak-zepol, gen patisipasyon 8 ,900 solda ane sa a e yo pral gen egzesis tire bal reyèl, ak antrenman nan veyikul atak Anphibi, kidonk ki woule nan dlo ak nan tè.
Depi prezidan Duterte te monte sou pouvwa a nan lane 2016, li tap chache relasyon pi sere avek la Chin pou-l ka jwenn promès lajan prete, èd ak envestisman e li te pran distans li avek Etazuni -- yon alye ki te siyen akò ak li.
Men ane pase, li te wetire yon menas pou-l te elimine yon ansyen akò ki te la depi 2 dizen lane, ki te otorize prezans solda Etazuni nan peyi sidès Azi a.
Minis defans Filipin Delphin Lorenzana di nan yon kominike, "nou voye yon mesaj klè bay mond la pou fè konnen ke alyans ant peyi nou yo pi djanm ke jamè ."