NEW DELHI - Premye Minis chinwa a, Li Keqiang, ki t ap rankontre ak laprès vandredi pase a, te deklare Lèzetazini ak Lachin pa ta dwe “fèmen” yon pòt kiltirèl ant 2 peyi yo nan moman sanksyon kont peyi vwazen li, Larisi, ap ogmante. Premye Minis Li -ki t ap pale de 50èm anivèsè etablisman relasyon diplomatik ant Lèzetazini ak Lachin ki te kòmanse avèk vwayaj Prezidan ameriken Richard Nixon te fè nan Peken an 1972- te ajoute:
“Depi chak nan 2 pati yo te ouvri pòt la pou lòt la sa gen 50 tan, yo pa ta dwe fèmen li, ale we pou yo ta elimine li. Nou panse kowoperasyon ta sipoze reprezante enterè prensipal la; paske lapè mondyal ak devlopman depann de sa. Menm si n ap fè konkirans sou mache a nan domèn ekonomik la ak echanj kommesyal yo, nou ta dwe fè sa an tout egalite.”
Li Kiqiang repete kèk deklarasyon konsilyan otorite chinwa yo te fè depi kòmansman envazyon Larisi nan Ikrèn nan, lè l di li dakò pou Washington ak Peken gen opinyon diferan sou kriz k ap devlope nan Ewòp de Lès la.