Fabrikan medikaman Pfizer ak patnè li BioNTech ki baze ann Almay gen pou yo mande ajans ki kontwole afè manje ak medikaman nan Etazuni FDA otorizasyon pou vaksen kont COVID-19 yo a pou timoun ki pako gen 5 an.
2 konpayi sa yo pral mande FDA pou l otorize ann ijans vaksen 2 doz kont COVID yo a pou timoun apati 6 mwa malgre yo te anonse nan mwa desanm pase ke vaksen sa a pa pwoteje timoun ant laj 2 a 4 tran, menm jan ak timoun adolesan ak adult yo. 2 konpayi yo te deside ajoute yon 3 zyèm vaksen nan esè klinik yo, yon mouvman ki te ka retade efò pou fè vaksen an disponib pou jèn ameriken yo.
Men espesyalis lasante yo ankouraje Pfitzer ak BioNTech pou yo mande FDA otorizasyon pou vaksen 2 doz la pandan yap tannn rezilta tès ki gen yon twazyèm doz. Vaksen an ka disponib pou yo sèvi avè l nan fen mwa fevriye a si FDA ak Sant Kontwol ak Prevansyon Maladi bay aprobasyon pou utilizasyon ijan an.