Gouvènman Ameriken an ankouraje Prezidan Brezilyen an Jair Bolsonari pou'l anile vizit li tap planifye pou'l al wè Prezidan Vladiir Putin nan moman kote tansyon sou kesyon twoup Ris ki sou fronytè Ikren ap ogmante. Se yon moun ki byen ranseye sou kesyon an ki bay ajans nouvèl Reuters enfòmasyon sa a.
Jefò diplomatik la, ke jounal Folha de S.Paulo te rapòte an premye sanble tonbe nan kad jefò global Etazini ap fe pou'l izole La Risi nan moman li gen ke sòte pou yon posib konfli.
Pou Bolsonaro, ki se yon politisyen zel dwat e popilis, e ki te pèdi yon alye kle an 2020 lè Donald Trump te pèdi eleksyon prezidansyèl la, vizit lap planifye a reprezante yon chans pou'l montre pouvwa li genyen nan mond lan pandan lap eseye re-eli nan pòs li.
Otorite Ameriken yo gen kè sote ke vwayaj nan Moskou a takapab bay Putin jaret pandan lap negosye pou'l anpeche yon envazyon, sous la ki pa gen otorizasyon pale piblikman sou kesyon an fè konnen.
"Se pa yon bon moman pou vwayaje," sous la di Reuters. Li ajoute ke responsab Ameriken yo "eseye dekouraje (Bolsonaro) fè vwayaj sa a," yo souliyen se taka yon "move kalkil" pou li.
Depatman d'Eta ak Lamezonblanch poko fè komantè sou sa.
Ministè afè etranjè Brezil la refize fè komante tou.